MY HERWINNINGSTOERUSTING WAT EK ALTYD SAAMRY
Indien jy beoog om met jou voertuig 4x4 roetes te ry of soos ons reise te onderneem oor afgeleë en rowwe terrein moet jy minstens die minimum herwinningstoerusting saam ry. Dit is baie selfsugtig om te verwag 'n ander motoris moet sy duur herwinningstoerusting gebruik om jou voertuig te herwin. 'n Goeie voorbeeld is dat 'n kinetiese strop of tou slegs een of twee keer agtereenvolgens gebruik kan word voordat die einde van sy elastiese eienskappe bereik is. Wanneer 'n kinetiese strop met 30 % verleng het is jy by daardie perk en neem dit 24uur vir die terugkeer van sy elastiese eienskappe en voordat jy dit weer suksesvol kan gebruik. Dit beteken as jou mede reisiger sy kinetiese tou gebruik het om jou te help, hy daarna homself nie sal kan help as hy net na jou in die moeilikheid beland nie.
Dit is baie belangrik dat jy die regte sterkte herwinningstoerusting vir jou motor moet aanskaf en gebruik. 'n Toyota, Isuzu, VW, Nissan of Ford 4x4 dubbelkajuit bakkie kan tussen 2400 en 2800kg ten volle gelaai weeg terwyl baie Land Cruisers of Nissan Patrols tot soveel as 4000kg kan weeg wanneer ten volle gelaai (of liefs oorlaai) is . Kyk dus goed voordat jy enige toerusting aanskaf na die maksimum veilige werk sterkte (in Engels, SWL of “Safe Working Load”) wat volgens wet duidelik op die toerusting aangebring moet wees deur die vervaardiger. Op kinetiese toue en sleeptoue is daar 'n plastiese etiket met hierdie inligting daarop aangebring. Indien dit nie sigbaar is nie MOET dit nie gebruik nie, die kanse vir 'n ongeluk is baie groot tydens die herwinning proses.
Die minimum toerusting wat jy dus behoort saam te ry is as volg (sien ook foto hier onder) :
- 1 x Kinetiese strop of tou.
- 2 x Boogskakels (Maak seker die penne pas deur die herwinngingspunte op jou voertuig.)
- 1 x Hoogligdomkrag koppelstuk wat in jou voertuig se hoogligdomkrag punte pas en vas bout aan jou domkrag self.
- 1 x Stel tuin handskoene of sagte leer handskoene.
- 1 x Tuingraaf
- 1 x Staalbasisplaat vir hoogligdomkrag. Help dat enige domkrag nie in die sand wegsak wanneer jy hom gebruik nie.
Aangesien ons baie keer op ons eie ry moet ons ten volle selfversorgend wees en lyk my herwinning sak as volg (Onthou dat ons 'n wenas op beide die voertuie het.)
My herwinningsak bevat die volgende inhoud (van bo na onder):
- 2 x Herwinningskombers (Een word gebruik een aan elke kant van die herwinnings opstelling op die wenas kabel, die onderkant gevul met grond of sand, om sodoende die sweepslag van 'n kabel wat breek te beperk en omstanders of die ander voertuig te beskerm.)
- 1 x Boom beskermings strop (Voertuig 3.5 ton, 3m lank, breeksterkte 14 ton.) - Kleur : Geel
- 1 x Kinetiese herwinnings pluk strop of tou (Voertuig 4 ton, 15m lank, breeksterkte 16 ton) - Kleur : Beige Onthou jy kan nie 'n kinetiese strop of tou gebruik as sleeptou nie tensy jy aanvaar dat sy elastisiteit daardeur vernietig gaan word en jy hom nie weer as kinetiese strop of tou sal kan gebruik nie.
- 1 x Herwinnings toom om die las tussen twee herwinningspunte op die voertuig gelyk te verdeel. ( Voertuig 4 ton, 5m lank, breeksterkte 16 ton) - Kleur : Pers
- 1 x Sleep of wenas verleng tou (Voertuig 5 ton, 10m lank) - Kleur : Oranje
- 1 x Hamersteel (Word gebruik om te keer dat wanneer jy twee stroppe las hulle nie vanweë die groot kragte ter sprake in die las sodanig vassit dat jy hul nie weer kan skei nie. Jy kan ook sommer enige stewige stok wat rondlê gebruik, dit is net soms in die woestyn 'n bietjie moeilik om 'n stewige stok te kry wat jy kan gebruik.)
- 1 x Pluk blok (“Snatch Block”) om die krag van 'n wenas te verdubbel. (14 ton breeksterkte)
- 2 x Stel tuin handskoene van dun leer en lap of die effens duurder sagte dun leer handskoene.
- 1 x Hoogligdomkrag koppelstuk wat in jou voertuig se ronde hoogligdomkrag punte pas en vas bout aan jou domkrag self.
- 3 x 3.25 ton “SWL” Boogskakels (19.5 ton breeksterkte).
- 1 x 2 ton D-skakel (Behoort nooit vir herwinning gebruik te word nie. Gebruik altyd slegs boogskakels).
- 2 x 2 ton “SWL” Boogskakels (12 ton breeksterkte).
- 1 x Tuingraaf
- 1 x Hoogligdomkrag
- 1 x Staalbasisplaat vir hoogligdomkrag. Help dat domkrag nie in die sand wegsak wanneer jy hom gebruik nie.
Laasgenoemde boogskakels word slegs op kleiner voertuie soos motors gebruik wat gewoonlik nie herwinningspunte as sulks het waar deur die ∅20mm penne van die groter boogskakels kan pas nie.
**Items in blou gedruk word slegs benodig as jou voertuig 'n wenas het.
Hoe gebruik jy hierdie items :
- Eerstens onthou dat herwinnings van 'n voertuig 'n baie gevaarlike operasie is, en tweedens indien jy in beheer is van so 'n operasies, jy ook vir al die omstanders se lewens verantwoordelik is.
- Jy mag jy NOOIT die bal op 'n sleephaak agter aan 'n voertuig gebruik in 'n herwinnings operasie nie.
Hierdie gietstuk is nie ontwerp om 'n skoklas te kan hanteer nie en breek gewoonlik af en kom dan soos 'n
projektiel na die ander motor aangevlieg. Meer as een person is al dood tydens 'n herwinnings operasie as
gevolg hiervan. Gaan soek maar op die internet, hier is drie sulke voorvalle:
http://www.4x4community.co.za/forum/showthread.php?t=92189
http://www.4x4community.co.za/forum/showthread.php?t=92290
http://www.flickr.com/photos/hennie_rautenbach/sets/72157603233597274/Die enigste alternatief is 'n sleephaak met 'n pen. Die pen gedeelte en nie die bal gedeelte kan dan in 'n herwinnings operasie gebruik word.
- Ek beveel aan dat jy 'n gevorderde 4x4 opleidings kursus bywoon wat handel oor herwinnings tegnieke. Die beste leermeester is nie boeke of videos nie maar 'n praktiese hande vuil maak kursus in die veld, gelei deur 'n goed opgeleide instrukteur.
- Onthou as jy die pen van 'n boogskakel vasdraai moet jy hom weer met 'n halwe draai losdraai voor gebruik, want anders kan jy hom nie maklik weer losdraai aan die einde van 'n herwinnings operasie nie.
- Onthou dat indien jy 'n wenas gebruik tydens 'n herwinnings operasie dat die voertuig waarop die wenas gemonteer is enjin moet luier sodat die voertuig se alternator kan help om die voertuig se battery te laai en daar sodoende genoeg stroom is om die herwinnings operasie suksesvol te kan voltooi. Indien jy die enjin laat luier nie gaan jy die aansitter battery so pap trek dat hy nie weer sal wil laai nie. 'n Duur les wat ek in Tanzanië moes leer omdat ek in die opwinding van die oomblik net daarvan vergeet het. So kan 'n mens ook 'n belangrike veiligheidsmaatreël vergeet wat katastrofies kan wees. Neem dus jou tyd, wees deeglik en versigtig
- Hier onder is drie webtuistes waar jy ook goeie inligting kan verkry oor herwinnings tegnieke en toerusting:
http://www.liftlash.co.za/recovery-guidelines#bridle
http://www.liftlash.co.za/sites/default/files/recovery-guidelines-from-securetech.pdf
http://www.nissan.co.za/en/web/nscuploader/Part%202.pdf
Besig om voor te berei om 'n laaigraaf wat van die berg afgerol het weer op sy wiele te help. Die manne het reeds toe ons daar aankom twee dae gespook om met pale en botteldomkragte die laaigraaf weer op sy wiele te probeer kry. Dit het ons ongeveer 30 minute geneem om die laaigraaf weer op sy wiele te tel met die Hilux se wenas. Die grootste deel van die tyd was gespandeer om seker te maak dat alles is goed vas en die opstelling as sulks is veilig en daarna weer na die herwinnings operasie om weer die kabel op die wenas netjies op te wen en al die toebehore weer op hul plek te bêre.
Wat ongelooflik was was die feit dat nie een van die vyf insittendes in die Troopy seer gekry het nie, dat slegs die voorruit gekraak was, die snorkel so kop afgebreek het en die voertuig weer na 'n kort rukkie se staan gevat het. Hul kon dus net die wiel wat gebars het en een wat tydens die ongeluk beskadig was, vervang en verder ry.